Frohe Weihnachten Melde Dich an, um diesen Inhalt zu abonnieren 0

[Gast Xajorkith]

Das Team von Progressive Seduction wünscht allen Mitgliedern ein gesegnetes Weihnachtsfest!

Feiert schön und lasst euch reich beschenken.

FROHE WEIHNACHTEN!!!

Viele Grüße

X-Man

[chris87 0]

Weihnachten 1946

Glei' nach'n Kriag im 46er Jahr -

gab's nix zum Ess'n - des is' wahr.

Da war ja des scho' allerhand -

wanns'd mit a'm Bauern warst verwandt -

nicht zu veracht'n war da aa -

da Onk'l aus Amerika.

Wer des ned woaß, der is' jetz still -

weil i' mei G'schicht erzählen will.

Am Heiligomd - i' schrei hurra -

kimmt's Packerl aus Amerika -

von unsra liab'n Tante Ros'n -

g'fuit mit lauta scheene Dos'n.

I' reiß es auf und reck mein' Hois -

denn ob'ndrauf glei' drei Pfund Schmoiz -

a Kilo Bohnenkaffee - schau -

a große Dos'n mit Kakao -

und nebendro - de guade Seel' -

a Büchs'n mit Olivenöl -

a ganz a große Dos'n Reiß -

zwoa Kilo Mehl - wia Schnee so weiß -

des alles schrieb die Tante Ros'n -

höchst eigenhändig auf de Dos'n -

Bloß vo' da Weißblechdos'n unt'n -

da war des Zetterl hoid verschwund'n.

Wos kannt jetz in der Dos'n sei'?

Steckst hoid amoi dei' Nas'n nei -

I' hob's probiert - glei' a paar mal -

des Pulver war geschmacksneutral -

des war ned sauer - war ned siaß -

hod g'schmeckt wia eingschlaf'ne Fiaß -

so ham mia uns den Kopf zerbrocha:

Wos kannt ma aus dem Pulver kocha?

D' Frau moant: ,,'s kannt a Schmankerl sei' -

da koch' ma jetz amoi a'n Brei..."

und haut kurz drauf mit Milch und Ei -

des Puiverl in a Pfanna nei -

befolg den Rat vo' ihra Oma -

und gibt dazua a Zimtaroma -

und mit a'm Einbrenn' und a'm Zwiebel -

hod's wirklich g'schmeckt - war gor ned übel.

Und dann - es war so drei Dog drauf -

klärt mit a'm Briaf sich alles auf -

Schuld dro - des is' a schwacha Trost -

warn'n nur die Schlamperer der Post -

und Tante Ros'n schrieb: ,,Ihr Lieb'n -

ich schick' euch ein Paket nach drüb'n -

voll mit guten Sachen -

und hoff', dass sie euch Freude machen... -

was ihr leider noch nicht wisst, -

dass Onkel Schorsch verstorben ist -

mit seine über 80 Jahr -

er immer treuer Bayer war -

sein' letzten Wunsch will ich verkünden:

In Bayern will er Ruhe finden -

drum sei es - so wie es sei -

setzt ihn in aller Stille bei.

Die Asch' ist in der Weißblechdos'n -

in stiller Trauer - Tante Ros'n".

Und so ham mia - i' werd des nia vergess'n -

an Weihnacht' unsan Onk'l g'fress'n.